ولا تسوى الدنيا -الشاعر ايهاب صابر

ولا تسوى الدنيا

وَلَا تُسَوى الدنيَا شَوَيْه دَمْع

وهاشوف الدُّنْيَا في حَالَة لَمَع

وَلَا هاحسبها أيوة هاسيبها

مشّ هاحرق نفسي أَنَا زي الشمْع

وَلَا عيني تَحت أَمْره الدَّمْع

وَلَا لَيّه عَلِيًّ طَاعَة وَسَمِع

هاستحملها أيوة هاقولها

بيني وبين الدمع دة منع

ولا يقدر يوم الدمع علي

طول ما إرادتي حالفة علي

إن أضحك للدنيا في حزنى

ولا يوم الحزن علي يعدى

وانا قادر قادر وأنا أقوى

وأنا على الحزن هاستقوى

أنا مش خريف تجي ريح خفيف

تطير أوراقى واتعرى

كلماتى إيهاب صابر 

ولا تسوى الدنيا