فكراك -الشاعرة هويدا عبد الرحمن

فكراك

انت مش بعدت
وسبت وراك قلبى بينزف
وهربت
لكن والله فكراك وعمرى القلب
ما كرهك برغم انه تعذب
فى هواك
فاكرلك الأيام الحلوة كل همسة
كل غنوة كانت بينا ليها ذكرى
جميلة وحلوة
فاكرهم وعايش عليهم
وفى نفس الوقت بيداوى نفسه
من جروحه وهجرك وبيحتويهم
ومستنيك ترجع تانى وبايدك
تطبطب وتنسيه قساوتك
ده ياما حن ليك وضمك
وكان فرشك وغطاك
وبينسيك والله همك
ارجع محتاجاك دى الرووح عن غيرك
والله زهدت

هويدا عبدالرحمن