أنين قلم -الشاعرة دينا ربيع

من فترة مش كبيرة كدة حسيت إن الحياة بدأت تتضحك وان حساباتي غلط ونظرتي للحياة سيئة وأن لازم ادي نفسي فرصة تانية يمكن الدنيا تخيب ظنوني
وبالفعل أدتها الفرصة دي بس للاسف صدقت التوقعات وطلعت هيا هيا الحياة مختلفش حاجة
كان نفسي يخيب ظني ،كان نفسي اووي كمان
احساس انك هتعيش خلاص وانت بتحتضر جواك
وفجأة عذرائيل يفاجئك ويقبض روحك ويقولك خلص وقتك حلو .
أصعب ما في الموضوع هو ما بعد المعاناه
بدايتك من الأول وانت واثق ومتأكد إن في حياتك كلها هتفضل مش موجود
طيف موجود قدام الكل ومحدش فاهم انت فين
محدش شايف غيابك وسط وجودك
ولا شايف جنونك وسط هدوئك .وقتها مش بتبقا عارف تلوم مين ،مين السبب ،وليه مش قادر اعدي وأكمل وتقف عند نفس النقطه وتقرر وقتها اصعب قرار ممكن حد ياخده هو انك تكمل لوحدك ف كل حاجه عشان خلاص بقيت واثق أن المعامله بتأذيك ومحدش هيفهم انت ازاي يعني مش عارف تعدي ومحدش هيجي يحس ال جواك وللأسف مش بنلاقي كمان حد بيحاول .عشان كده مفيش داعي للتعب من الأول .
هتمشي ف دايرة مقفوله اولها زي آخرها
عشان كده من اولها كده نكمل بعاد احسن ما نفضل نعاند ومش هناخد غير وجع القلب من العناد .
ال عدي راح جواك انت بس
وال جي بتاعك لوحدك .
لو مكنش ال موجود أيده ف ايدك .
اكسر ايدك ومتمدهاش .

بقلم / دينا ربيع