حاجز
حتى وإنتي..
بترحلي عني
وبتودعيني
حطه ما بيني وبينك
حاجز..
وقلبي موجوع
من وداعك
ولا سَامْعَه ..
مني صوت أنيني
ولا جيتي قبلها
تحضنيني...
ولما جيتي
تودعيني...
كان بيني وبينك
حاجز....
مش مهم هو إيه
ومن إيه..
لوح قزاز
واللا تلج
واللا ماس
واللا مراية الحب
هي بيني وبينك
الحاجز
طب الزاي ..؟
مش مهم ليه
و الزاي ...
المهم بيني وبينك
في الرحيل حاجز..
وحاشك عني
وخلاني عاجز
لا أنا طايل أضمك
في حضني
ضمة وداع
طاب الزاي
أضمك في الوداع
وبيني وبينك حاجز
ولا إيدي طايلة إيدك
تاخدها بلمسة
حنينة ..
من قلب حاسس
بالوداع ولكنه عاجز..
يكسر مابيني وبينك
الحاجز..
ولا قادرة عيني
تلاقي عينك..
في نظرة وداع..
اعذريني أبص ليكي
وآلاقي عنيكي
بنفس النظرة
اعذريني...
أصلي مش قادر..
طول عمرنا واحنا
سوا...
مفيش ما بينا حاجز
مهما كانت ظروفنا
قاسية ...
ومهما كانت الحواجز
كنا دايما نتخطاها
ونتعداها ...
وندوس عليها
ونتلاقى..
ونتعانق...
دلوقتي بينا
في الوداع حاجز
وانتي اللي حطتيه
وخلتيه ...
بيني وبينك..
وأنا قدامه
عاجز...
وما املكش غير
نظرة وداع
مكسورة...
وايدي ممدودة
مش طايلة
تشيل الحاجز..
اعذريني ..
أصلي أنا
قدام الحاجز
عاجز ..
محمد عبد النعيم
٢٠٢٠/٧/١٨م
ليست هناك تعليقات:
إرسال تعليق