إزاي وفين -الشاعر جمال رمضان

 إزاي وفين 

كنت بصالحك كنت بـ أجبر الخواطر
كنت بتجرح وكنت ببعد عنك المخاطر
كنت بتمنالك الفرح والهنا
كنت واهب عمري ليك ومشاعري قناطر

كنت بشوفك في كل حاجة حلوة أدامي
مافيش حلم بحلمه كنت أول أحلامي
خدت إيه أنا منك إنت خدت إيه
خدت منك غدر وخيانة وجرح أيامي

عمري ما قلت لنفسي أبعد عنك وأنساك
كنت بفكر وبشتاقلك وأنا حتى معاك
كنت بتبعد أيوة بتبعد وكنت بتعند
وأنا عادي عشان جمال ودلالك وهواك

كله كان بالنسبالي عادي آه الا الوداع
وأعمل إيه أنا قلي في عمري اللي ضاع
كتبت وقلت إزاي ولكن وإمته وفين
إزاي أشتري ولكن وإمته وهو اللي باع

الشاعر / جمال رمضان