ثورى -الشاعر عمرو تمساح ابو سفيان

ثورى

ثورى انتي انا مش هثور

همشى تايه ف الجسور

ومش هقول تاني يابلدى

انى عايش ف الجحور

هو مين فينا اللى صان

اللى شتت واللى هان

ولا اللى ف عيشته رافض

أنه يبقى ف يوم جبان

خايف لصوتى يموت مقدرشي اتكلم

واعيش بقيت عمري مع وجعي بتالم

يلي الحياة مش ليك بقيت مع الظالم

مين اللى هيصحيك ربى بحال عالم

جارت علينا الناس نسيوا كلام الدين

مين اللى عنده احساس هيصحى ناس نايمين

انتهى وقت الظهور

وكله نام وسط القبور

واللى مش عاجبه النظام

راح يشرف ف الطابور

راح يشوف كل العذاب

لو رفض يوم الحضور

يلى شمسك غايبه عنى

رافضه ليه حبي الكبير

اوعى تفتكرى بأنى

لما اشوفك مش بغير

بس خايف اه شويه

وانتى رافضه أنى اجيلك

حتى لو راح ياخدوا ديه

مش هخون ابدا جميلك
كل عمرى انا عشته فيكى

شوفت حلو وشوفت مر

وف الصعاب كنت بجاريكى

وللعدا انا كنت صقر

اسألى أحمس ومينا

اسألى يوسف وعمرو

حنى يلا وحسي بينا

واوعى تانى
‏
‏تقولى صبر ‏

عمرو تمساح ابوسفيان