ألف تحية -الشاعرة وسام عبده

ألف تحية

للناس اللى تراعى الود
اللى فى وقت الشدة تسد
اللى تخاف على بعض بجد
علشان بتسلم للنية

ألف تحية
للناس اللى ترد الروح
اللى معانا منين مانروح
مهو بابهم دايما مفتوح
وقلوبهم صافية كما الميه

الف تحية
للى بوش ومش وشين
بيواسوا بدموع العين
وان ضاعوا نلاقيهم فين
دول زينة الكورة الأرضية

بيخلونا نحب الدنيا
ولانبعد عنهم ولا ثانية
ونشوفهم فى الناس التانية
ووشوشهم مش وش أذيه

رقتهم فى جمال الورد
بيدفونا فى عز البرد
ضحكتهم مع بوسة خد
اجمل رد وأحلى هدية
ألف تحية

وسام عبده