خليك بعيد
ودعتني من غير وداع
ومشيت خلاص
من غير سلام
ورميت مشاعري
تحت أقدامك كمان
خليك بعيد
واصلب ف قلبي وأيدو
بجنزير حديد
عذب ف قلبي واجلده
ودوس عليه
ماانا قلبي كان
سيجاره ولعه بين إيديك
سحبت روحها منها
وتحت قدمك كنت انا
هلكتني .. وجرحت قلبي وسيبتني
عريت مشاعري قصاد عنيك
أزاي أنا وكل اللي فيا هان عليك
دبحت قلبي بالقوي
كنت القوي
على قلب حبك بالقوي
ليه افتريت
دانا حبي كان دنيا وبيت
كنت الدوا وقت الوجع
والحزن لو قرب عليك
كنت احضنك
وافديك واكون الفرح لك
خلاص نسيت
وكسرت قلب كان حنانه كله ليك
حرام عليك
دموعي نازله تكوي جرحي اللي بأيديك
خليك بعيد
أنا مش هلومك ولاهاتحايل عليك
تفضل معايا تحبني
الحب مش إجبار يامان
فاكر زمان
لما شفايفي كات بتختم فوق إيديك
كانت عنيك بتهزني
وتقول لعيني ع الغرام اللي بعنيك
وتدوب مشاعري بين إيديك
معقوله حبك كان كلام
كدب وخيانه وانتقام
حبك كما الطفل السفاح
حبك ف قلبي كان حرام
طب ليه رويت وردي إللي فتح
بين إيديك
طب ليه مشيت
وسبت ورد القلب جف
الورد من بَعدك دبلان وهش
ماصعبش وردك ليه عليك
كان كل حبك ليا غش
قلبك خلاص ف عيوني مات
وانا قلبي لسه النبض فيه
لكنه ميت بالحيا لو حتى عاش
نور حجازي
ليست هناك تعليقات:
إرسال تعليق