كيلو لحمة -الشاعر رمضان محمد محمود

 كيلو لحمة 

قال جي وشايل كيلو لحمة
فاكر بلحمته هيشترينا
يا ما عدت علينا أيام زحمة
ولا كنت بتسأل يوم فينا
انت منين هتجيب الرحمة
ما هي خصلة بعض أهالينا
من زمن .. القلوب كانت فحمة
يا عم متضحكش علينا
دا انت يا ما طفيت الفرحة
وسكبت الدمع ف عنينا

لو جيت شفت خزين البيت ..والله يا ريت
لو حبيت ...... او حتى عديت
أمن غذائي شهور لو حبيت تاخد منه
انت يا ريت
صلة الأرحام مش باللحمة
..دا انت كمان مجتش البيت
لو زعلان من حاجة قديمة
مش لاقي معاك انا ايه سويت
يا ما قدمنا الخير أزمان.. احترام وود وسؤال كمان
لكن انت دا كله رميت وما خليت
لحمة ايه .... واكل ايه
دا باهمالك عمرك ما أرضيت

رمضان محمد محمود

٢ / ٨ / ٢٠٢٠