محكمـة فــض النزاع -الشاعر أحمد عبد الرحمن صالح

ق/محكمــــــة فــض النزاع

انتهينـــــــا م الخــــــداع
حلمنـــا دلوقتـــي ضـــاع

عند قـــاضـــــي المحكمة
كل واحــــد ليه دفــــــاع

وابتدا القاضـــــي ينــادي
فين شهـــود الإستمـــــاع

قلبي كان مرغـم يجـاوب
إنــــي أنــا اهــــــل النزاع

وابتديت احكي الحكايــة
م البدايــــــة للـــــــــوداع

كل حلمي كان فى واحده
تحمــي قلبـي م الضيـــاع

تحتوينـي بشـوق حـنانهـا
تشتــرينــــــي بقتـنــــــاع

وابقي روحهـا وكل حـالها
فـى زمــن مليان خــــداع

اشتريهـــــا بكل عمــــــري
عشقـي ليهـــــا للنخـــــاع

بس يخســــــارة لقتـهــــا
واحــده عـاشقـة للصـراع

غِيرة كدب حاجات كتيرة
عندهـــــا مليون قنــــــاع

بهــــــــدلتني بكدبهــــــــا
حبهـــــــا كان إنتفـــــــاع

لـو نسيت ونصحـــتهـــــا
بتهاجمنـــــي بنــدفـــــاع

شـرّانيـــــا بطبعـهــــــــــا
المشـــــــاعـــــــر بالدراع

لـو نسيت وصـــالحتهــــا
بلقــا مليــون إمـتنــــــاع

صعب يوم هيكون ما بنا
أي فرصـــة للإجتمـــــاع

محكمـــــــــــــــــــــــــــة
انتهـــــا وقت الدفــــــاع

ايه قراركِ فـى اللى قـاله
فـى اضــــافه للسمـــــاع

لو تحبي تضيفي حــاجة
قولي مــن غير إندفـــاع

ايــوه انـــا فعـــلاً غلطت
بعتــــرفـلكَ بقـتنــــــــاع

بس صـــدقنـي عشقتـك
حب خـالي م الخـــــداع

بس خــانتنـي الطريقـــة
إني احافـظ ع اللى بــاع

محكمـــــــــــــــــــــــــــة
قـــد حكمنـــــا بالــوداع

انتهــــــــا فــــض النزاع

كلمات/أحمد عبد الرحمن صالح