وبعدنا -الشاعر جيلاني انور

وبعدنا

وبِعِدْنا عن بعضنا
واتفرّقِت قلوبنا
الفراق بيعُضِنا
جِهْ بسرعة صُوبنا
كل واحد راح في وادي
واتقَطعِت الحبال
لا قلوب عرفت تِدادي
والحب كان خيال
معقول خلاص هنِبعد؟؟
ونستسلم للفراق؟
مش كنا لبعض نوعد
وكان بينا ميثاق!!!!
إبليس عمل عمايله
واتسبب في الخصام
بكرة حسابه جايله
فسدنا وكنا خام
هنفتش في الدفاتر
يمكن نلاقي فيه شعاع
والحب إل شكله فاتر
مش هأصدق إنه ضاع

جيلاني