أنا فهماك -الشاعر احمد عبد الحق

فاكر لما تبص لغيري
مش شايفاك
ولا عشان بعادنا لبعض
انا مش حساك
غلطان طبعا اوي ياحبيبي
والله فهماك

كل ما واحده تتعلق بيك
جوايا غيرة بحبك اكتر
وكل ماتكتب حرف لغيري
كل مشاعري
لا بتنقص .. ولا بتتغير
عارف ان غلاوتك عندي
عالم تاني
حاجه تحسها ديما جواك
لابتتشاف ولاتتفسر
هو عشان حواليك الورد
مش كل الورد بيتشم
ولاكل احساس بنعيشه
بيموت بالسم
مهما بنجرح اكيد هنداوي
في الاخر كله بيتلم
اقولك حاجه
كل حروفك اللي بتكتبها
كل مشاعرك اللي انت حاسسها
مخلوقه ليه
مقسومه والله.
مزروعه فيه
لما تغيب ولما بتتأخر
ببقي في حالة صاعبة عليه
عارف اصعب حاجه بتجرح
اقولك ابعد وانا عيزاك
وكل ماتبعد تموت جوايا
كل مشاعري عايشة معاك
وكل مااشتاقلك اجيلك
مهما تخبي او هتداري
بيطلع فجاءه غصب عنك
كل الشوق اللي جواك

احمدعبدالحق