عجبى-الشاعر جابر عطية

طيب نقول عجبى على قد حالى
على خطى ونهج عبقرى الرباعيات
استاذ.صلاح چاهين

مش منطقى إنك تبتسم والحياة شبه الموت
مش منطقى إنك تموت م الجوع والخوف
مش منطقى إنك شباب وحياتك شبه الموت
لأ منطقى وعندى أمل وهكمل بدون الخوف
لسه الأمل رغم إختلافنا بيهزم محطة موت

صباح الخير ع الفلاح وأولاده
صباح العزم والقوة ف الدراع والإيد
صباح الخير على فتوة ف شمس قداحه
وسكة شقا على وش مليان تجاعيد
والست الجميلة حرمه و عزوته وجَنابُه
هى الأم بالفطرة وبتحب ولادها بالتأكيد
صباح الخير وبالتحديد على مصر الحبيبة بهيه
صباح الخير ع الإنسان اللى خيره بالشقا بيذيد

كل العالم زايدة قسوة مش مهم
المُهِم قلبِك والباقى مِنهُم مش مُهِم
الأصول بالفوايد لو تزيد فيها شُبهة
حُبِك انتى لو زيادة ف حَلال وِفرض
جابر عجبى

غريب ف الدنيا متغرب عن الأحباب
بيضحك ضحكة وجع نشوفها ف شات
يحس الحبيب بيها ووراها ألف عذاب
يشوفها الناس تقول صاحبنا ف الهنا بات

الوردة كات حلوةفى عودكاسيه الندى
خسارة دبلت لِلمُنتهىَ لما اللئيم شمها
قطفها والجرح نال منهاحتى العبير منتهى
إيه فايدة الوردة والحُسن مبقاش طبعها

مفيش دمعة جار الدمعتين خاينين
أمير المحبة للقلب كان مفتون وكان عاشق
شاف الدموع ع الخد سالت م العيون
طال السكوت مع حسرة القلب ع المعشوق

بيصلى ويدعى والعلة ف البُطلان
يسرق وينهب ويقتل فقير غلبان
أمل اللجؤ لرحمة ربنا صفر ف المية
لونفسك ف عفوالله فى الخير استحضر النية

كان عايش على أمل التغيير والتنوير
مات وبقىِ فينا أكترم الأوٓل خٓلق حٓمير
إيه يفرق يعنى لو طبخة تبوظ عشان المقادير
الكل يموت بعيار طايش إلا الحمار يفضل عايش
جابر عجبى مات عشان خلق مبتحبش التغيير

رن الجرس فجأة والصوت م التليفون
رديت وقلت ألو صوت الجميل بيهوانى
صدى صوتها فى ودانى خلا القليب مفتون
دقيقة ع التليفون صحت الشوق ف وجدانى
محلا جمالها الصدفة لما يشتاق لها الإنسان
كات رنة م التليفون والصوت م الحِلم صحانى
جابر مجرد حِلم عجبى

الشاعر / جابر عطية