قلبى بيدق
ودقاته بحروف اسمكعينى فرحانة وعشقانة
ومليانة بيك. .....
والعالم كله مايساوى
لحظة فى قربك. ....
إن كان على نفسى
أنا حبيتها لما عرفتك
وعالجت آاهاتى وأحزانى
بحروف اسمك. .....
أنا لسه حالا عرفانى
لما عرفتك. ....
وكأنى بقيت إنسان تانى
لما شوفتك. ...
أنا كنت بخبى بنضارتى
م الدنيا عنيا. ....
وكنت فاكرة ان العالم
مفيهوش حنية. ...
دلوقتى أقدر أتحدى
الدنيا بحالها. ...
وأجرى وأتنطط مبسوطة
ويقولوا مالها؟!!
أضحك. ..والضحكة تجننهم
حلوة .....ياجمالها. ....
أنا فرحانة بيك. ..........
ودموعى نزلت م الفرحة
والضحكة لسه على شفايفى
وأحمرت وياها خدودى
أنا كنت تاية وحزنانة. .....
والدنيا كانت دوامة.........
ومكنتش عايزه اكملها. ....
لم شوفتك هاتحملها. ......
وأطلب منها عمرى اللى رااااح
انا عايزة كمان عمر زيادة
واعيشه معاك حب وأفراح
انا مش هاتنازل عن ثانية
دا الثانية فى قربك حاجة تانية
خليتنى ارتاااااااااااح. ........
د/محمد على فوده
ليست هناك تعليقات:
إرسال تعليق