مشاعر بريئة
الحلقة 19
يوم الخطوبه نور وغادة مع هدي من اول اليوم والميكب ارتست معهم في غرفة هدي الكل يستعد ويجهز للذهاب لكتب الكتاب في سيدنا الحسين وبعدها التوجه لقاعة الاحتفال بالخطوبة نزلت هدي من منزلها وجدت فارس احلامها واقف منتظرها امام سيارته ومعه عدد من زملاءه توجه لها وساعدها علي الركوب وركب هو الاخر في مكان السائق والباقيين قسموا أنفسهم علي السيارات الواقفه وبعد كتب الكتاب وهما متوجهان للقاعة تفاجأت هدي بحازم يمسك بيدها ويقبلها ويبارك لها فردت عليه بخجل وبصوت لا يكاد يسمع فضحك وقال مكنتش أعرف ان الملايكه بينكسفوا أوي كدة فردت عليه وقالت وانا مكنتش أعرف انك بتعرف تقول كلام حلو كدة فنظر لها وقال انتي دلوقتي زوجتي حلالي أقدر أقولك كل اللي في نفسي من غير مغضب ربنا لكن الأول كل نظرة ليكي ذنب يا هدي ترضيلي كده فقالت بسرعة لا طبعا فضحك وقال يعني بتخافي عليا هزت رأسها موافقة فضحك وقال نكتفي بهذا القدر علشان نوصل بالسلامة ووصلا للقاعة وجلسا في مكانهما المخصص لهما فمسك يدها بتملك وقبلها وبارك لها فاحمرت خجلا فقال لا انتي لازم تتصرفي في الكسوف اللي بيزود حلاوتك ده انا كده هتجنن فنظرت له وقالت حازم انت متغير خالص فقال لها قصدك بحبك خاالص يا هدية ربنا ليا دمعت عينيها فقال في عروسة تبكي يوم خطوبتها كدة فقالت انا لحد دلوقتي مش مصدقة وخايفة اصحي من الحلم الجميل ده رد حازم صدقي يا حبيبتي ربنا لما اراد مفيش حاجة قدرت تقف ادام ارادته قطع كلامهما حمزه وامه حيث باركا للعروسين وتوجها للجلوس مع غادة وأسرتها ونور فمالت امه عليه وقالت عروستين زي القمر اهم اختار بأه فقال بصوت هامس لها مينفعش دول صحبات هدي عايزاني أفضل لاذق فيها هي وحازم العمر كله فضحكت وقالت طول عمرك عاقل ربنا يحميك يا حبيبي فنظر لها وقال تفتكري هيأكلونا ولا هيقضوها مشاريب وهنا ضربته امه علي كتفه وقالت معرفتش اربيك انا عارفة فمسك يدها وقبلها ودعي لها بطول العمر ودوام الصحة الجميع سعداء لسعادة هدي وحازم وتمنوا لهم السعادة وانقضت الليلة وقام حازم بتوصيل هدي لمنزلها ووقف بالسيارة ونظر لها وهي تنظر لاسفل وقال مبروك يا هدي قلبي ومسك يدها وقبلها وابتسم لشعوره برعشة يدها في يده وقال حبيبتي من هنا ورايح انتي مسئوله مني اي حاجه محتاجاها تقوليلي وانا باذن الله هجي اخدك وارجعك البيت بدل عمي واجب علينا نريحه بأه ولا ايه رأيك فوافقته
ليست هناك تعليقات:
إرسال تعليق