سكتك وسكتي
بصبري ...وعزيمتي ..
وهمتي ...
شقيت وسط
الخلايق
في دنيتي
سكتي ...
وبقوة إيماني بربنا
مشيت فيها
بخطوتي....
عشان يكون ليَّا
فيها إسمي .
وكياني...
وسمعتي..
وآخد نصيبي منها
وقسمتي ...
وحَاوْلِتْ صِعاب
كتيرة فيها
تحوشني..
وتصدني...
وقدرت أتغلب
عليها بفضل
ربي ...
ثم بعزيمتي ..
وصبري
وعقلي .
وحكمتي
وأتخطي محنتي
فيها وكبوتي
وشلت حمول
فيها يامالوحدي.
وصبري كان هُوَّ
لقمتي
فيها وأملي
لسه نورساطع
ينور ضلمتي
وزادي في مشواري
فيها إيماني بربنا
وإِتْكَالي عليه
وزوادي وِمَيِتِي
وكل ما أخطي فيها
خطوة وأنتهي ..
تتجدد تاني خطوتي
وكل ما أوصل لغاية
فيها آلاقي ألف
غاية بتنده عليَّا
وتشاور في سِكْتي
وتتجدد عزيمتي
في الحياة
من تاني ورغبتي
وأمشى وراها
وأنا بأحسب فيها
وأحاسب خطوتي
والدنيا إيه
غيرطريق
ماشيبن عليها
بخطاوينا المكتوبة
واللي اتكتب عليه
فيها خطوة
يمشيها..
زي ما إمشيت
فيها خطوتي
تدفعنا
رغبة
وحاجة
وتشدنا حاجات
كتيرة تانية
من وإحنا
لسه فيها بنبتدي
وتيجي النهاية
نبص ورانا
نلاقي سراب
عشنا فيه
ونلاقي الحقيقة
قدامنا
اللي نسيناها
واللا غفلناها
وإحنا ماشيين
خطاها
الموت ياصاحبي
هُوَّحقيقة آخر
خطوتك
في دنيتك
زي ما هُوَّ آخر
خطوتي...
في دنيتي
فامشي فيها
يا ابن آدم بميزان
حساس ..
بينك وبين الناس
وشق بإيمانك
بربك سكتك
في دنيتك
زي ما شقيت
أنا بإيماني بربي
سِكْتي
في دُنْيتي ...
محمد عبد النعيم
٢٠٢٠/٧/٦م
ليست هناك تعليقات:
إرسال تعليق