الى زوجتي ورفيقة دربي -الشاعر رمضان محمد محمود

الى زوجتي ورفيقة دربي 

حبيبتي يا اللي مليش غيرك في دنيتي
انت سبب كل فرحي وهناي ومهجتي
اكتب ليكي ومش قادر أحوش دمعتي
يا اللي دايما واقفه معايا ف كل لحظتي

نفسي أقسم الآلام يا حبيبتي معاكي
نفسي ما أشوف الأه تطلع من جواكي
نفسي أشوف الحزن يطلع من عيناكي
نفسي أشتري السعادة تكون بين يداكي

حبيبتي طال الآلام وانا عاجز قدامك
ما لي غير ربي يشفيكي من كل الامك
انا عارف ان دواكي هوا كل احلامك
ربك كبير يا حبيبتي هوا اللي أبقالك
.
يا اللي مليش غيرك في كل وقت تواسيني
في كل هموم الحياة ......وزحمتها بتنسيني
انتي الأخت والصديقة وكلمة منك بتحييني
حبيبتي لو انتي حتى جنبي كتير بتوحشيني

مش لاقي كلام على مقاس قلبك
قلبك الواسع اللي مليان بعطفك
صعبان عليا قلة ضحكك وصمتك
كل حاجة ف البيت مبتردتش اسمك

لا عارف أي طعم لأي شرب او اكل
النفس ماتت عن كل لون واي شكل
حتى التفكير راح وغاب معاه العقل
والدموع فاضت وملت العين والمقل
حتى الايد والرجل عجزت عن أي نقل

يا اللي بتحبوني ادعو لحبيبي
انا مليش غيرو دا هو نصيبي
ترجع ضحكتوا تملى بيتو وبيتي
وتفرح الأولاد وتقرب بقى و تيجي

لا أحد يلومني فيما اكتب

رمضان محمد محمود 

 معلم خبير

الجمعه ١٧ / ٧ / ٢٠٢٠ 

 ٢٦ ذو القعده ١٤٤١