حِلْفان بعُمْر -الشاعرة منى عبد الرحمن

حِلْفان بعُمْر

ووعدتني....
إنَّك هاتفضل للأبد
واني هاعيش ف جدور عنيك
حتى الخِصَام
مش راح يِبَعِّد بين قلوبنا وحُبنا
واني انا مَقسومة لِيك
وحْلِفت لي
بالشوق وريحْتُه
ودمع عِينُه ومُهْجِتُه
إنِّي راح ابقى نبض روحَك
فاتْحَة ف كتاب قِصِّتَك
وحروف لصُوتَك ويَّابُوحَك..ضحكتك
وصْحِيت من الحلم الِّلي كان
خَانِّي الزمان
مَلقيتش وعْدك
والِّلي كان حِلفان بعُمْر
خُنت الهَوا والروح وصورتَك
والحِكاية ف قِصِّتَك
كل المشاهد رايحة جَايَّة تِحْلِف انك خُنْتَها
شُكرا حَبيبي...ألف شُكر
ووعدتني....
وحِلِفت لى....
وعدت ليه؟

منى عبد الرحمن