منيش عارف
وليه باتمنى أكون جنبك
على عندك
منيش عارف
بدوق الويل من إيدك
ومن غدرك مواعيدك
وليه باتمنى أكون جنبك
واردد في تراتيلك
منيش عارف
طريق الهجر في حبك
ملان بالشوك
مشيته جرحني ومشيته
عسى عيوني اللي بيحبوك
عسى يشوفوك
لقيت في آخر المشوار
ضلوعي وقلبي وحناني بيستنوك
ومش طايلك
أقول والشوق على شوكي
جريح نازف
بحبك ليه
منيش عارف
وأكون جايلك
وقلبي كله مفتوح لك
وكل خليه في روحي
بتضحك لك
وكل خيال على بالي
بيرقص لك
وأمني نفسي بالراحة
على ضلك
ولما ألقاك وأقرب لك
يضيع أملي
والاقي حرك الوارف
أعيد في سؤالي واتحير
بحبك ليه ؟؟ !!
منيش عارف
ولو راقت
ليالي الحب واحلوت
ونجمة حبنا ضوّت
واسامحك علـ شفته معاك
وأقول فوت
ألاقي رياحك القاسية
على شراع الهوى نوّت
وموج الغدر
في شط الهوى شارف
أقول واصرخ وأنا شارد
بحبك ليه ؟؟!!
منيش عارف
ورغم القسوة والحرمان
ونار الشوق وليل هجري
الاقي قلبي بيقولي
يطول صبري
عساني في يوم يبان بدري
وليلك يختمه فجري
ولا هنساك بطول عمري
وحتى لو هروح قبري
وأنا بسأل وموش عارف
بحبك ليه
منيش عارف !
ليست هناك تعليقات:
إرسال تعليق