صورة أبويا -الشاعرة أسماء بكر الديب

صورة أبويا

يا قبر أبويا افتح
ليا كل الببان
خليني مرة أشوفه
خلي يقول الآذان
وحشاني يا صورة أبويا
لما بتيجي ف خيال
بتمنى تخرجي لي
من برواز المنام
اشكيلك من همومي
وفوق كتفك أنام
وب اديكي تجبي لي
حقي من الأيام
وبحته م الكفن
امحيلي م الألم
اللي الحياة سيباة
وشوية من تراب
القبر اللي احتواك
ازرع ليا عيون
غير قربي ليك شيفاه
حتى طريق القبور
محفور فوق الخدود
وريحة موت مالانا
ب خوفي م الرجوع
انا عشقت الموت
وعاشقة فيه الصوت
اللي بيندة فيا
من قبر أبويا ليا
فكل ليلة ناوية
خلاص أرحل معاك
ويجي الفجر وألقى
الشمس لسة باقية
وبتطلع م الشروق
يا مين يقول للصبح
ما تجيش خلاص مبقتش
استنالك رجوع
وكل جوع جوايا
اصبح ليه ميت حكاية
عن عشقي للممات
أنا كل بقيت ببات
وأنا في عيوني الامل
اني هكون رفات
مدفونة ف اللي فات
وبين ضلوعي كان
جوايا قلب لكن
أصبح حبة نبات
مالقتش حد يروي
ف الجدر فيا مات

الشاعرة أسماء بكر الديب