نص الكوباية -الشاعر أحمد عبد الحق

نص الكوباية الفاضي
خد بالك نصه مليان
ماهو كل سليم قدامك
محبوس جواه تعبان
وكل ماتصحي وتفوق
تلاقي نفسك توهان
هو يعني عشان نعيش
لازم حشيش
ولا يعني عشان نتوه
نقلد الدراويش
نصيحه مني اوعاك تتوه
او تروح في يوم متجيش
هي حالة من الكأبة
ولا حالة من الملل
الف مليون سلامة ليك
مشاعرك مش ناقصة شلل
وعلتك في كسرتك
والله ماهي ناقصة علل
اسمع يابني اخر حاجة
كله يعدي..كله يهون
اضمن يومك
ارمي وراك تل همومك
بكرة والله مش مضمون
خلي حروفك
اطلع بره كسوفك
اقلع يلا عباية خوفك
عاوز ايه
خايف ليه
مد لحافك علي قد ظروفك
خايف ترفض
مش هتوقف لحظة مشاعرك
عشانها بترفض
خليها ترفض
بكرة تتمني ضمة ايدك
بكرة تحن لحنية قلبك
بكرة لما شوقها يزيد
قوام هتجيلك

احمد عبدالحق