أحلى حبيبين
أنا رايحة أنام
يمكن أحلم
بالصبح وجاي يمد إيديه
ونهار حواليه
وجايبلي معاه بشرى تفرح
وفاتح جناحات
والنور ف عنيه
وانا واقفة ومش عارفة أرَوَّح
والاقيه ببساط الريح واقِف
نركب ونطير
وف حضن السما ويا العصافير
نهرب من عالم ومواقف
والصبح يِفَصَّل فُستاني
بخيوط الشمس الدهبية
وادي نسمة هوا رايحة وجاية
وسحابة بريئة مِعَدِّية
تفرش ضُليلة وشمسية
وْتِحْلِف ع الهوا يجي شوية
يعمل دايرة لقلوب حايرة
وتضم حنينهم ف ثواني
وتقرب بين مَجْني وجاني
يِبْقُم الاتنين أحلى حبيبين
أنا رايحة أنام
منى عبد الرحمن
ليست هناك تعليقات:
إرسال تعليق