والله عارفك
وحافظك أكترمن جواكاللي الظاهر منك برة
مش دي ملامحك
لما بتضحك
حتي لما بتتوجع
بعرف أحسك
أسعد لحظة تشوفها ياقلبي
لما تقابل واحد شبهك
أسعد حاجه تسعدك
لما تلاقي مين يفهمك
لما تحاول تكتبه
تلاقي في لحظة يكتبك
لما تيجي تعلمه
وتفهمه معني الغرام
بحبة حنين يفهمك
ويعلمك
وساعات كتير لماتغلط
بحبة غياب
بلمسة عتاب
بقسوة رقيقة يادبك
يااااه
مااحلي الحياة
لما تلاقي حد يشبهك
لما تتوه وسط الحروف
لماتحس جواك بخوف
تلاقي مين يطمنك
وبلحظة حب يرجعك
طول عمرك ياقلبي
بين الزهور
فوق السحاب
بين الصخور
مش هي دقة زار
ولا حبة بخور
ولا شيء من مستحيل
او تركب بحور
الخلاصة وبأمانة
وعشان يكون لك أي دور
لازم حد تفهمه
وتعلمه
وهو كمان يفهمك
هي الحياة مخلوقه ديما
يلاقيك حد تعشقه
ولازم كمان يشبهك
احمد عبدالحق
ليست هناك تعليقات:
إرسال تعليق