مقدرش علي بعدك - الشاعر احمد عبد الحق

مقدرش علي بعدك
لازم اتحمل
تداري مهما هتداري
انا بيك هتجمل
اصلك دوا روحي
وازاي قلوب تجرح
وازاي عيون تدبح
مع اني هتحمل
ولو لقيتك هجرتيني
كده كده انا مكمل


يعني ايه افضل احبك من سكات
ويعني ايه لمااحسك
يرد قلبك ويقولي فات
يعني ايه بينا وليد
صعب يتكفن سواد
هو يعني عشان بحبك
ترفضيني
طب فهميني
ازاي نموت احلي حب
ازاي نغير نبض قلب
ونستبدله بحتة جماد
سمعك بتقول ظروف
مع اني حاسس انها
عشق متذوق بخوف
خايفه ليه
طب قوليلي يبقي ايه
احساس بقلب
هو يعني لازم يبان
مش مهم العين تشوف
المهم احساس بجد
احساس مش هحسه لاي حد
حتي لو سؤالي صعب
ساعات كتير بحس بسكوتك
وبين حروفك الف رد

احمدعبدالحق