قوم ياولدى
كفايه نوم
الحق مكانك.
ف قطر الحياه
دا قطر أسرع
م السكوت
اسرع كمان ....م الكلام
عمره مايعطل... مره ثانيه.
او حتى يركنلك ...ف يوم
يركبش.... فيه الندم
ولايعرف عتاب ...ولا لوم
قطر يدوس.... عللى نايم
واللى ساهى.... واللى غافل
واللى بيكدب
واللى فاكر
نفسه عالم .
وجهله مالى السما.
ذى النجوم
قطر... من غير بونيه..
ولا تذكره
عمره مايوقف..
.
ولا حتى شىء بيعطله
ولا مره يوم يرجع ورا
قطر الحياه ....مدرسه
من غير قلم... اوكتاب
انت القلم ....وانت الورق
وانت الكتاب.. وانت الحساب
تجمع... وتطرح
كله ليك ....من غير ضياع
ولو ضربت.... نشف ايديك
دى الايادى الناعمه
ملهاش.... ف الصراع
والحياه.... محتاجه قوه
م للى اشترى.. وم اللى باع
سعيد عزب
ليست هناك تعليقات:
إرسال تعليق