احترت والله فيك -الشاعر احمد عبد الحق

قولي ياشاعر
انت ايه ...!
احترت فيك
مرة بحس خوفك
ومرة قاسيه حروفك
مرة أحس ضعفك
وزي البحر تقلب
احس في لحظة غدرك
امانة عليك ياشاعر
ريحني وقولي ليه
انت ايه ولا ايه
بحنان بحس حرفك
فنان ولقبه شاعر
رسام وبريشة طايرة
بترسم المشاعر
في لحظه غصب عني
احس ان انت ساحر
وساعه بحس طيبتك
احترت والله فيك
ساحر ولا انت شاعر
تواضعك ده طبيعي
ولا انت في الاصل قادر
ولا ياخوفي ياحيرتي
تطلع قادر وفاجر
بجد احترت فيك
وعندي مليون سؤال
انا ليه مشدوده ليك
وديما حاسه بيك
وديما لماتغيب
بتروح مني روحي
واتحجج بالنصيب
وقلبي مع انه جامد
وساعات بوهم نفسي
باني احساسي بارد
واوهم كل الدنيا
بان غيابك عادي
زي حضورك..عادي
واستحمل غصب عني
واتباهي بانه عادي
وازود في عنادي
اشتاق لحرف منك
او لمسه رقيقه منك
والله بقولها خالصه
مقدرش استغني عنك
بس احترت فيك
والله هموت عليك
بحبك في كل حاله
في الاخر انت قدري
وانا حته منك
انا مكتوبه ليك

احمد عبدالحق