جديد - الشاعر محمد عبد الله

جديد

كلها ايام وهنتفارق ..
غصبٍ عننا او بمزاجنا ..
على ايه في الدنيا بنتسابق ..
وبنهرب ماللي بيحتاجنا ..
،،،
شوف اللي بياخد او يدي ..
تلقى الاتنين مادين ايدهم ..
مش فارقة تجيب ولا تودّي ..
لو عندك احباب اسعدهم ..
،،،
الذكرى اللي تضايقك سيبها ..
ونصيحة انساها وعديها ..
والناس مش لازم تحاسبها ..
كلها ادوار بنأديها ..
،،،
اتنين بيقضّوا فـ أوقاتهم ..
واحد عايش عكس التاني ..
نفس الاوقات اللي ساويتهم ..
مش ممكن تعكسهم تاني ..

شعر

محمد عبدالله

https://www.facebook.com/groups/safay/?ref=group_header