رواية مملكة العجائب -الكاتب محمد سعيد النجار

 مملكة العجائب

(( ملحوظة الرواية باللغة الفصحي ، بس البداية دي بالعاميه فقط و الباقي فصحي))(( مبني علي احداث حقيقية)

 2 / البداية

- السلام عليكم ، إذيك يا عمتي عمله إيه ؟؟
- الحمد لله ، يا أحمد عامل إية ؟؟
- الحمد لله بخير ، هو محمد موجود ؟؟
- ايوه موجود تعال اتفضل ، لحظة واحده ويجيلك...
(( أحمد في العقد الثاني من عمره ، شاب وسيم الوجه ، فرع الطول ، مشدود القوام ، يدرس التجارة ..... ))
- احمد بيه ، و الله وحشيني...
- أنت أكثر و الله يا عم الشيخ ، غايب عننا ليه ؟؟
- أنا اقدر يا حبيب انت عارف الدراسة كويس ، هموم و مشاغل ..
- أنا مش عارف والله أنت إيه الي جبرك علي الشريعة انت دماغك ممتازة جدا جدا ، ليه مدخلتش كليه علمية ؟؟
- تاني يا صاحبي حتوجع عليا ، أنت عارف مكنش ليا اختيار ..
- كان ليك يا صاحبي بس انت رقيق ، مهنش عليك تزعل ...
- ارجوك يا صاحبي انتهت القصة و لو رجع بي الزمن حعمل الي عملته تاني ، المهم قلبي حاسس إن وراك مصيبه ؟؟
- و الله يا صاحبي ، أنا ورايا مشوار مهم ، و كل لما اقول لحد عليه يرفض رفض قاطع ، الكل جبان ، وعند الحاجات دي ، اصحابنا كلهم جبناء ، فملقتيش غيرك انت ، و انا عارف إنك مبتخفش....
- مشوار إيه ده يا حبيب...
- عايز اروح لشيخ عبد الجليل ...
- و إيه المشكلة ، وليه هما خايفين يجوا معاك ؟؟
- يا مولانا ، قصدي الشيخ عبد الجليل السواف !!
- كده أنا فهمت ، بس يا صاحبي ليه حتروح له ؟؟
- عايز اسأله علي حاجه ، حتيجي و لا لاء ؟؟
- أنت عارف الحكم الشرعي للموضوع ده إيه ؟؟
- عارف بس مش حرتاح نفسيا غير لما اروح..
- يا حبيب ده دجال ، كذاب ، إذاي حترتاح نفسيا و النبي قال الي حيروح منافق و الي حيصدقه كافر..
- يا حبيب انا عايز بس اجرب..
- علي الرغم من الي قلتلك عليه ده ؟؟
- معلش يا محمد ، حتيجي و لا لاء ؟؟
- طب إيه المانع إنك تروح لوحدك؟؟
- الصراحة خايف!!!
- آه ، انا حاجي معاك ، بس علشان أشوف الشيخ الي مش شيخ ده ، و اشوف الراجل الي بينيم القرية من المغرب ، ده انا سمعت أنه متجوز 4 بنات من اجمل بنات القرية ، و السبب الخوف ، قبلوا من خوفهم منه ، كنت عايز اتحداه من فترة ، بس جه الوقت اهو....
- لحظه يا عم الشيخ ، حتيجي معايا بس ابوس إيدك ، متتكلمش و لا تناظره ، عيزين اليوم يعدي علي خير ..
- طب ليه ، فرصه و اثبت لكم أنه كذاب
- معلش يا صاحبي اوعدني!!
- اوعدك طالما مأجبرنيش أو وجهلي كلام
- يا صاحبي بقي ؟؟
- إيه ، ما أنا مش حسمح له أنه يعدي من عليا ، قلتلك طالما مكلمنيش أنا مش حتكلم .
- اتفقنا...
- امته طيب ؟؟
- كمان نصف ساعه!!
- طب حروح اجهز نفسي واجي....
(( محمد شاب في بداية العقد الثاني من عمره ، شاب قصير القامة إلي حد ما ، ممتلئ البدن قليلا ، يدرس في جامعة الأزهر ))

يتبع