من يوم ما شفتك وأنا قلبي مش مطاوعني
بيكدب عليا وحبك كمان وكل شوية يلوعني
إنت عملت إيه في قلبي قلي
كل ما أكلمه في حاجة يرد ويقولي وإيه يعني
عذرت قلبي لما شفتك وحققت ف ملامحك
أنا قلت حقك تتدلع وتغضب وأنا أصالحك
جمال إيه شقاوة إيه حلاوة إيه
إنت تعمل ما بدالك وأنا اللي عليا أسامحك
خمسة وخميسة في عين كل اللي يحسدك
واللي يحاول يفرق بينا أو حتى عني يبعدك
عيون الناس عليك ياجميل
وأتمنى قلبي اللي حبك يصونك ويسعدك
قلبي خلاص من يوم ما شافك شاور عليك
شاف القمر حب السهر وحب جمال عنيك
لو غبت يوم عني قلبي ينكوي
ويبقى زي المجنون محتاج سلام إيديك
بقلمي /جمال رمضان
ليست هناك تعليقات:
إرسال تعليق