يا أم الشهيد افرحي
ابنك بطل هللي
رافع سلاحه
حامي بلاده
حارس حدوده
عارف إن الوطن
أغلى من الروح والجسد
وفي كل شبر من أرض الوطن
أقسم بالله لينول الشرف
يحمي الوطن
و لو كان التمن دم
يا أم الشهيد افرحي
ابنك شهيد في الجنة
عايش مش فقيد
و رب العباد لأخواته بكرة يفرحوكي
وبحق كل نقطة دم
روت تراب الوطن
ليجبوله حقه من الجبان
اللي غدر بيه قبل الآذن
يا أم الشهيد افرحي
ابنك شهيد في الشهر الكريم
فرحان بالجنة والنعيم
حالف لو انعاد التاريخ
ليحمل سلاحه مرة تانية
و يحمي الفيروز الغالية
من الخائن الجبان
اللي خايف من الأبطال
و مستخبي ورا عبوة ناسفة
فاكر إن الأرض سايبة
وهينولها بالخيانة
مساكين ميعرفوش إن أخوات ابنك يا أمي
حالفين ليحموا كل شبر في الوطن
متسابقين ينولوا الشرف
دي الشهادة أعظم طلب
ولا إن البلد تكون في يوم للعدا
افرحي يا أم الشهيد
ابنك بطل
افرحي و وبالأبيض هللي
طرحة بيضة
و ضحكة جميلة
ابنك شهيييييييد
ابنك بطل
دافع عن أرض الوطن
وبالدم كتب حروف اسمه في وتين كل البشر
شهيد و الليلة ليلة فرح
هللي وارقصي
ابنك شهيد
ابنك بطل
إيمان عرفان
ليست هناك تعليقات:
إرسال تعليق