حكمت عليا الكورونا أمشي ياناس بكمامة
وأداري في وشي من الهواء ويا ميت ندامة
حظر وحجر وكل يوم حالات وحكاوي
الواحد خلاص بقه عايش جوة في دوامة
حتى السلام إتمنع وبقه كده من بعيد لبعيد
وفرحة رمضان مش فرحة والعيد مش عيد
لا فيه علاج ولا في دواء ولا غيره
نرجع بقه لربنا ونتوب وهو ده يبقى المفيد
غمة وربنا يزيحها عننا ونرجع زي زمان
أيام ما كان السلام سلام سلام بالأحضان
ممكن وباء ممكن بلاء أو شئ في الهواء
أزمة وها تعدي والله وربك هو المستعان
نسامح بعض أيوة ونصالح بعض كلنا
ونحب بعض علشان ربنا يرضى عننا
قادر ربك يسترها علينا يا بشر
دا إحنا مالناش في الدنيا غير ربنا
ليست هناك تعليقات:
إرسال تعليق