أثبتَ العلمُ أن الجيناتِ تنتقلُ بالوراثةِ .. وأضفنا نحن جيناً جديداً .. الرقص
سِلسال
بَندَانَه تحت الطرحه ..
مع بيشَه .
وهدوم أقل كتير من الخَيشَه
جَت ف المنام ..
قالت أنا بَلَدك .
لَعَنِت أبويا ..
ولَعَنِت العيشه .
رَمِتلى حَبْلى السُرّى .. والسُرَّه !!
وقالت لى إنت محبتَك مُرَّه
أصل العبيد مش خِلفِة الحُرَّه
وانت اتولدت عجوز ..
ماكونتش طفل .
بدل السبوع .. عملوا ل لسانك قِفل !!
ولفّوا بيك ع الأوليا العميان !!
وسلِّفوك للوالى والأعيان
أراجوز يشد الضحكه ف السامر !!
الأُجَرَه عَشوَه ..
ويجعلُه عامر !!
واهو شُغل يكفى نجاسة البَطَّال .
إنت وَرثت الرقص م السلسال
أبوك مَجيد .. والجد كان أمجَد
له نحت متحَزِّم على المعبد
قُدّام إله ساند على المسند
جِدَّك ب يرقص .. من وراه كورس
مستنى نَجدَه م الإله حورس
لمّا اتوجع من شدة التحزيم
ومن مجاعه ماشافشى فيها كريم
يسمح لُه يوم ياكُل مع مواشيه
الدنيا فاضيه فى الغيطان حواليه
جوَّاها بس الموت بدون تحنيط .
حَسّيت دخولى الدنيا كان توريط
مطلوب يادوب .. أحفظ .. واتعلّم
أعيش .. واموت .. ب ارقص على السلِّم
أطلع لفوق .. وانزل .. مافيش مَهرَب
كورة تنس واحده و 100 مضرب
كل اللى رايح واللى جاى يضرب
دى بلدنا .. كوره ب تتضرب متعه
واحنا نشيلوها بعد ما ب تخرَب !!
مع بيشَه .
وهدوم أقل كتير من الخَيشَه
جَت ف المنام ..
قالت أنا بَلَدك .
لَعَنِت أبويا ..
ولَعَنِت العيشه .
رَمِتلى حَبْلى السُرّى .. والسُرَّه !!
وقالت لى إنت محبتَك مُرَّه
أصل العبيد مش خِلفِة الحُرَّه
وانت اتولدت عجوز ..
ماكونتش طفل .
بدل السبوع .. عملوا ل لسانك قِفل !!
ولفّوا بيك ع الأوليا العميان !!
وسلِّفوك للوالى والأعيان
أراجوز يشد الضحكه ف السامر !!
الأُجَرَه عَشوَه ..
ويجعلُه عامر !!
واهو شُغل يكفى نجاسة البَطَّال .
إنت وَرثت الرقص م السلسال
أبوك مَجيد .. والجد كان أمجَد
له نحت متحَزِّم على المعبد
قُدّام إله ساند على المسند
جِدَّك ب يرقص .. من وراه كورس
مستنى نَجدَه م الإله حورس
لمّا اتوجع من شدة التحزيم
ومن مجاعه ماشافشى فيها كريم
يسمح لُه يوم ياكُل مع مواشيه
الدنيا فاضيه فى الغيطان حواليه
جوَّاها بس الموت بدون تحنيط .
حَسّيت دخولى الدنيا كان توريط
مطلوب يادوب .. أحفظ .. واتعلّم
أعيش .. واموت .. ب ارقص على السلِّم
أطلع لفوق .. وانزل .. مافيش مَهرَب
كورة تنس واحده و 100 مضرب
كل اللى رايح واللى جاى يضرب
دى بلدنا .. كوره ب تتضرب متعه
واحنا نشيلوها بعد ما ب تخرَب !!
البَندَانَه قطعه من القماش تلف حول الوجه تضعها النساء أسفل الطرحه .
البيشه قطعه من القماش تغطى الوجه بإستناء العينين تضعها النساء على وجوههن
خالد عاطف أبو العزم
ليست هناك تعليقات:
إرسال تعليق