كنت أناني
أنا عاوز أقولك إني حبيت قبل منك
عشان كده سامحني أنا لازم أبعد عنك
ولازم أخليك تكرهني وتنساني
عارف ليه علشان أنا مش من سنك
غصب عني نسيت نفسي نسيت سني
ونسيت كمان إنك إنت أصغر مني
كنت أناني والشوق رماني في سكتك
خايف عليك تنظلم أنا خاني ظني
أنا بعتذرلك غصب عني الشوق رماني
أنا نسيت شيبي اللي شاب وكنت أناني
غصب عني لازم أقولك لازم أبعد
وهقولك تاني أنا هنساك وإنت إنساني
إبعد بقولك إبعد كده يبقى حرام عليا
الفرق كبير بيني وبينك وحياة عنية
عيش حياتك وإبني كمان ذكرياتك
أنا هقولك إنت كنت عندي الدنيا ديا
تقدر تسامح قلب حبك وبص لحاله
كان عارف الفرق الكبير وقال وماله
بص لنفسه أيوة لنفسه وكان أناني
وعاش حياته بلا تفكير ولا على باله
بقلم الشاعر / جمال رمضان
ليست هناك تعليقات:
إرسال تعليق