ليه الناس كده
ليه الناس بتنسى دايما كل اللي كان
بتنسي اللي كان حنين عليهم كتير زمان
واللي ضاع عمره عشانهم وليهم
واللي كانوا في قلبه الزمان وكمان المكان
وبقيت أنا عصفور تايه مش لاقي عشه
كل ما يروح مكان يلاقي الناس بتهشه
كل اللي فات كان وهم وكان خداع
وا
للي كان فاكرهم حبايبوا كانوا بيغشوا
وليه الناس دايما كده بتاخد وما بنتديش
واللي تفتكره أصيل تبص تلقاه ما يساويش
هي خلاص بقت الحياه هي كده
لما تحتاجهم في أي حاجة يقولوا مافيش
بعد إيه بعد إيه بعد ما العمر راح وضاع
بعد ما القلب إتملا جراح وإتملا أوجاع
واللي كنت بتشتريهم وتخاف عليهم
الكل خلاص إتعلم من الدنيا وبقى بياع
جمال رمضان
ليست هناك تعليقات:
إرسال تعليق