إزاي يا قلبي تحب وإنت فوق الخمسين
دا إنت ممكن تروح فيها بس من كلمتين
فاكر نفسك زي زمان تحب أو تتحب
لأ ياقلبي خلاص راحت عليك من سنتين
إكتم حبك جوة منك وبلاش كلام فاضي
يضحكوا عليك الناس وتلاقي كلهم قاضي
هيقولوا بعد.ماشاب وشعره شاب
جاي يحب بعد ماراح زمانه وبقه ماضي
وأنا أعمل إيه شفت جماله نسيت روحي
بقه جماله الهوى وبقا الدواء لكل جروحي
أحلف بإيه إنه ماكانش بإيدي
في السن ده بقه عمري وبقه كل طموحي
أنا ها أحبه وها داري على الناس وعنه
ما أنا عارف ومتأكد إن أنا أكبر كتير منه
كان نغسي أعيش لحظة ما عشتهاش
وأنسي إن شعري شاب وكمان صغر سنه
جمال رمضان
ليست هناك تعليقات:
إرسال تعليق