طبع البشر
صفى معايا
يوم حسابك
معتشى مستحمل
عذابك
تم عمرى
فى النهايه
أحكى معايا
م البدايه
نظرى انعمى
ضهرى انحنى
كل يوم
الموت معايا
فيكى اية
جدد زهايا
تعالى نحكى
م البداية
فين الحياء
فين الخجل
كل اللي فيكى
اسمة دجل
نسينا فيكى
أصول الدين
كلة فعل مشعوذين
وبحطامك مشغولين
فين الجيران
فين الجيران
وحبهم
لية تم موجود غلهم
فين البنات
وحنها
تمينا نحصد همها
لابسة هدوم متلزقة
على جسمها
حاجات كتير
ملونة بيها وشها
مراعيتش مرة شعور
أخوها وامها
وأبوها نفسة
تم عاجبة شكلها
فين الولد
اللى يعين
وقت المحن
ربيت وحيلك
م الربايا انطحن
وقت الحصاد
تحصد جفا
وتحصد وجع
فى دار رعايا تترمى
مفيش هدوم ترتدى
بنار جفاهم تنكوى
فين الام
فينها الام
م المدام
المدام هيا الغرام
والأمهات تمت فيران
الام فعلها اتنسى
يادى القسى
ممكن تنام
من غير عشى
ملعون ابوها والحشى
لا فية أصول
ولا فية خشى
والأخ فين
باع ابن أمة بالفلوس
باعة حتى بالرخيص
اتغيرت كل النفوس
غابة ومليانة وحوش
فين الصحاب
حبهم تم سراب
اندفن تحت التراب
لية غدرهم
تم شراب
فين القرايب
فعلهم تم عجايب
منهم ما فيش حبايب
طرح المودة
طرح خايب
فين يتيمك
تم طعم مالة شهد
أكلة الغنى واستحل
بية العهد
فيكى اية
نبكى علية
معوووجة لية
ناخد منك بس اية
هو شبر فية نندفن
ومن نعيمك
هو الكفن
والكفن من غير جيوب
لية مليانة بالعيوب
للالة لازم نعود
ونبيعك بأرخص تمن
فينه زمن الجدود
فين الأصالة والعهود
علينا ليه زاد الجحود
وتميتى كلك عبر
ردت وقالت وقتها
كل اللى فيا انتشر
دا مش قدر
كل دا طبع البشر
نبيل عبد الحليم
17/4/2020
ليست هناك تعليقات:
إرسال تعليق