يارب سترك
يارب سترك م الوبا
استر علينا
احفظ الشيخ والصبى
وكل اللى لينا
بلاش الجهل والغبا
يسيطر علينا
اسمع ونفذ للكلام
ياابن أخينا
الزم بيتك وساعد
نهزم كورونا
الوبا خطره صاعد
وكسره يبقى بايدينا
عن الاختلاط ابعد وابعد
والدوام غسيل أيدينا
وادعى ربك وانت قاعد
يشيل عنا ويحن علينا
اسمع ونفذ ياابن أخينا
مش بقولك شيل سلاح
السلاح ف ايدين أمينه
أبطال وحياتهم كفاح
سهرانين ع الخدمه لينا
الله أكبر ع الفلاح
همهم يحافظوا علينا
بيهونوا الم الجراح
ولفضلهم احنا ناسينا
القلوب زايدة انشراح
بيمسحوا دمعة عينينا
الالتزام فية الصلاح
نطبقوه نبقوا نجينا
جيش بعلوا صوته صاح
مش بيؤمر بيناجينا
وباء وريح غدره فاح
الالتزام يا اهلينا
طبيب بيعانى وعمره راح
واحنا مش فارقه معانا
بعد الظلام لازم صباح
مد يابا الايد فى أيدينا
سامع فى الجحور أشباح
بيصدروا الفتنه لينا
خرفان شاطره فى الصياح
سيبناهم والعيب علينا
مش فارق معانا النباح
وقت المحن يهلوا علينا
طبعك يامصرى الفصاحه
وقت المحن كلك عزيمة
مشهود لك دايما بالنباهة
مصرنا مصر عظيمة
جيشك يابنى جيش عظيم
والقائد راجل حكيم
والشرطة فاقوا التنظيم
محفوظة بإذن الكريم
اما الطبيب خلص الكلام
تحية إجلال واحترام
تعجز فى الوصف الأقلام
والباقى الدور علينا
نمسك مع بعض أيدينا
نطلع م الأزمة بسلام
نبيل عبد الحليم
12/4/2020
ليست هناك تعليقات:
إرسال تعليق