حبي الأفلاطوني
القلب لما يعشق
يدوب الروح تروح
تحوم جار الحبيب
تستجدي منه نظرة
تنده و تقول تعالىٰ
ما أنا حالتي حالتها حالة
و بتوصف إستحالة
لو يوم عنك أغيب
الله يعينها عيني
تتمنىٰ تلمحيني
و حبك تمنحيني
و قلبك يستجيب
و دي دايرة الأماني
جواها معذباني
بتاخدني من مكاني
و أرجع تاني بنحيب
قلبي عاشقك لكنه
غرير لصغر سنه
بيحبك و إنتِ منه
و الشوق جواه عجيب
لكن يا خسارة إني
عاشق خايف أقرب
عينك قدام عيوني
و عيونك يمنعوني
فنويت أعيش جنوني
و حبي الأفلاطوني
و أفضل عنك غريب
هاني أحمد علي
ليست هناك تعليقات:
إرسال تعليق