دموع الحب
قول ليه بتبكي وليه الدموع رايحة جاية
أنا طلبت الوداد وإنت اللي قلت بس كفاية
لا عمري يوم آسيت عليك
ولاعمري يوم سألت وقلت إيه الحكاية
شايف دموعك نازلة تجري عل الخدود
خايف عليك تدبل وتتعب عيونك السود
ليه تضيع سنين العمر في الوهم
تعالى ننسى اللي فات ونعمل للحزن حدود
خلي بس شوية عليك وعليا شويتين
ما إنت عارف إن إنت جوة القلب والعين
حبي ليك محدش حبه قبل مني
حبي ليك حب حقيقي مش بين البينين
سيبك بقه من كلام الناس والقيل والقال
سقيتني الحب في كاس وشغلت البال
ماكنتش أعرف ان الحب بالشكل ده
يخليني أكتب شعر وكمان أقول موال
جمال رمضان
ليست هناك تعليقات:
إرسال تعليق