أيام زمان
ايام زمان ولحد برضه التسعينات
ايام جميلة وسايبة ف قلوبنا حكايات
قطر السنين مر أوام وياريته هدى
مشيت عقارب الساعات والعمر عدى
عايشين على الأيام دى ولحد النهاردة
بنفتكرها تصحى فينا الذكريات
كانت المشاعر وقتها صادقة وبسيطة
كان صعب تلقي ف وقتها نفوس مريضة
كان كله شايل هم غيره
عايش بقلبه وبضميره
وزماننا كان فايض بخيره
ومكانش بنا ناس حويطة
رتم الحياة كان تاتا تاتا
ايامنا عايشينها ببساطة
حبة فيشار ومعاه بطاطا
وأقل حاجة تفرحك
قعدة على الكورنيش تنعنش
ضحكة من القلب تفرفش
ولا فرصة للحزن يعشش
ولا هم يسكن مطرحك
لمتنا كانت كل جمعة
والف ضحكة وضحكة طالعة
م القلب لسة وداننا سامعة
كوكتيل اغانى جوة وكمن
لا تريند كان ولا تكنولوجيا
تليفوننا ارضى وكان بعافية
أسامينا حتى كات عادية
كبيرنا كان رشا وسوسن
التسعينات
محمد عبد المنعم
منعم
ليست هناك تعليقات:
إرسال تعليق