ناوي تفارق
ان كنت بجد ناوي تفارق
يبقى من غير كسر خواطر
علشان كان في بينا عشرة
وايام حلوة وفيها مشاعر
إيه اللي جرالي
وإيه اللي جرالك
علشان نستسلم ونسلم
لحاجات تافهة
جابت حالنا كده ع الآخر
وان كان داخل بينا شيطان
ليه ما نقوله اطلع ياجبان
فاكر نفسك بالأوي شاطر
ليه نسمح له يدخل يلعب
يكسر قلبي وقلبك ويكسب
ونبقى انا وانت الطرف الخاسر
يلا معايا فوق وصحح
يلانكسر قلبه ونربح
ونقوله حظك هالمرة
معنا زي دايما بقى عاثر
ان كان على قلبي انا...
مسمحك
ولا عمره في يوم
كان مخصمك
بس انت راجع قلبك تاني
وانا من ناحيتي رح تلقاني
جنبك على طول بعد ثواني
وبقولك انا ح أفضل جنبك
ومعاك دايما كده للآخر ....
ليست هناك تعليقات:
إرسال تعليق