معلش
معلش انا راضي بيها
بس أحفظي أنت معانيها
معلش لويوم زعلتك
معلش لو روحت وسبتك
معلش شوفي أشغالك
واوعي تعيشي فوهم الكلمه
حسمع مره.انا كلامك
ومعلش رح أسافر بره
معلش الغربه مره
معلش بلدي بتتاسف
انا مش زعلان منها
بس العيشه صعبه فيها
معلش حتغرب بره
معلش رح اسيبك تاني
بس رجعلك يانسياني
وانا حالف لأعمر فيكي
معلش حفارق الناس
واعيش من غير احساس
اتعلم انداس فالغربه
وارفع راسي واقول معلش
معلش يابلدي ياجميله
راجع ارفع راسي فيكي
واجمع الي اتبقي مني
واحضن نيلك وارضيكي
وازرع جوه قلوب اهليكي
ان معلش فبلادي
غير معلش فبلاد الناس
بلدي امي لو ضربتني
ترجع تحضن وتقول يابني
معلش امك بتحبك
اما الغربه فيها هلاكي
وكرامه ضايعه يااخواتي
علشان لقمة العيش
معلش بلدي تستاهل
معلش حقك علينا
يابلدنا غلطنا ونسينا
انك انت ست الكل
سمحينا يامصر وخدينا
فحضنك يااحن ام
ومعلش والف معلش
إكرام خليفه..... معلش
الله عليك
ردحذف