فنتازيا
ناس تصحى وناس بتنام
وناس واخدينهاشطارة كلام
وناس بتموت ف رسم الاوهام
هاتك يا عياط اقفل يا سكوت
مافيش بيبان تفتح ع القش
وهوا من شباك مقفول خش
الحمار ما يوقفش الابقولة هش
مايرجعش الحق غير بالنبوت
وعالم غمض عنين وسد ودان
بصوا بنص عين لبيروت
ومادنة بتدن بادان
من غير ذنب ليبيا بتموت
وجبان جاى يمص البترول
والعالم يقول
علقة تفوت ولا حد يموت
كام يوم نلبس سواد ف سواد
وتلت اربع تيام حداد
اصحوا يا ناس بكفاية خوف
اللعب بقى ع المكشوف
متمصمصوش شفايف وتضربوا كفوف
على رأى الست لما بتقول
عايزنا نرجع زى زمان
قول للزمان ارجع يا زمان
فنتازيا الهوارى
ليست هناك تعليقات:
إرسال تعليق