هارجع طبيعية -الشاعر محمد عبد المنعم

أنا خدت قرار إن أنا أمشى
من امتى عملت حساب زعلى
ف خلاص مش فارقة معايا زعلك
فكرنى ف يوم كنت بهمك
مبقاش يسعدنى أنطق اسمك
أنا هبعد ودى حاجة ترجعلى

وأهى فرصة بجد إنى أتحرر
من سجنك وعشانى أتغير
يمكن بالوقت ف يوم أقدر
أرجع من تانى ف يوم ليا

مبقتش خلاص محتاجة سندة
علشان أنساك ولا مساعدة
باتحسن أنا واحدة بواحدة
و اطمن هارجع طبيعية

عديت خطيت كل حدودك
متضايقة خلاص كارهة وجودك
مش عايزة خلاص أسمع سيرتك
ما أهو مكسب ليا أنا لو سيبتك
متقولش ف يوم إنى حبيبتك
لا ف صالحك ولا عمره يفيدك

هارجع طبيعية

كلمات

محمد عبد المنعم

منعم