ع العموم -الشاعر محمد عبد المنعم

ع العموم ما تشيلش همى
خلى بالك بس منك
يا ابن ابويا وابن امى
اوعى يوم الغربة تاكلك

مهما تاخدك السنين
والطريق تلاقيه دموع
ادعى زيي وقول امين
يبقى فيه بنا رجوع

مهما غيبت عنى سايب
جوة منى ذكريات
الف حاجة باعيش عليها

دنيا ايه من غير حبايب
عمرى كله واللى فات
انت كنت معايا فيها

شد حيلك فى الغياب
خلى صورتى قصاد عينيك
لو ف يوم اترد باب
الف غيره بيناديك

يا سنين حلمك عليه
ابو قلب برئ حنين
اه دا منى وروحى فيه
حبى ليه دا مكانش هين

ع العموم

كلمات

محمد عبد المنعم

منعم