حَجَر وأَصَمْ -الشاعرة منى عبد الرحمن

حَجَر وأَصَمْ

دَخَلْت ف قلبي واتْمَشِّيت
ياريت
ماكُنت رُوحْت وجِيت
وماشي بقَلْب... بِتْكَسِّر
تُدوس شُرْيان
ويِتْأَثَّر
ويبكي دمُوعُه تِنْزِل دَم
ولاَتَهْتَم
ياقَلْبَك.....إِيِه؟
حَجَر وأَصَمْ
بِتِجْرَح قَد ماتِجْرَح
ولايْهِمَّك وبِتْرَوَّح
تنام لِيلَك
يااااااويلك
من آلام بُعْدِي
خُسارة
جَرْح ويْعَدِّي
وتِفْضَل إنتَ بِعْتابَك
لِقلبَك ويَّا أيَّامَك
خِسِرْت كتييير
خِسِرْت حَياة بِتُنْبُض لَك
ورُوح هَايْمَة ف سَما رُوحَك
يااااااوِيلَك

منى عبد الرحمن