كرهتيني!!
ولو جالك من السما نجمعلى كفوفي كرهتيني
ولو جالك من المحيطات
نفيس صَدَفُه كرهتيني
ولو تشوفيني فالأحلام
ماسك ورده
ولو تشوفيني ف بئونه
رياح بارده
ولو هتكوني ف منامي
ملازمه النبض
ولو هتكوني كجنايني
ف بستاني بيسقي الورد.
ولو لنساء الدنيا صبحت
مجرد تجربه وعدت
خلاص مبقتش غير بيكي
ولو دنيتي وقفت
ولن تكمل بغير بيكي
كرهتيني!!
بقيت كصداع
وماسك ف صميم راسك
جفا بيزيد
ف قلبك لما تيجي سيرتي
سبب ليهم
سلام وبيوصلك مني
وبعد ماكنتي تتمني وتستني
تشمي ف عطري لو صدفه
صبحت ياحلوه بس ازاي
صلاه ف كنيسه يوم عرفه.
انا مش جاي افكر فيكي
باللي باقيلي وباقيلك
انا مش جايب القهوه
وهشربها ف فناجيلك
غلاوة مطرحك فالقلب
دي كان شاهد عليها الرب
بإنك مهما جافيتي
وتقسي ع اللي كان مني
هيفضل قلبي يشتاقلك
هكون وقت الوجع أهلك
ومش هنسى ف يوم إنك
رسمتي ضحكتين لله
وكنتيلي بمثابة نبض
وكنتي البحر لسفينتي
ف مش هنسى ف يوم العهد
بإنك تفضلي بنتي
وتهميني
كرهتيني!!
AhmedAldsoqy
ليست هناك تعليقات:
إرسال تعليق