فكرة -مسابقة نبرات المداد لايف،على سعيد محمود بكر

#مجلة_نبرات_المداد_لايف

 فكرة

وبتجيني في نص الليل
تصحيني
تدلعني وتغريني
وتتمايل برقه وشوق
عشان النوم يطير مني.. ومن عيني
اعنفها..... فتضحكلي
ادير وشي فتدوشني
احط مخده فوق راسي
فتوجع راسي بزياده وترقصلي
تجيب الريشه والالوان
وتنثر عطرها الفتان
في كل مكان
وبلقاها بكل بجاحه بتقولي
هترسمني هترسمني
يطير النوم خلاص مني
واسألها
انا اصلا ما بعرفكيش
تكوني مين واصلك ايه
ترد عليا بجنونها
انا الفكرة
هتكتبني هتكتبني

الشاعر  علي سعيد محمود بكر