روووبابيكيا
من عصر النور في زماني
العقاد والمزني وشوقي وحافظ
ولما صحيت علي صوت بيجلجل في وداني
سمعت حروف بتلملم في نهاري وبتقول
عدي النهار والبنت قاعده عالترعه تغسل شعرها
أنا قولت من انكسار الضوء وضح النهار
باكتب لأخرنفس وفي النفوس الذكري تقول
مهما بلغت ببحور الشعر الإنصهار
تطل حروف الشعرمره يجمدها الجليد
الحضور والإنصراف بصمه يتركها الزمان
الوجد يبوح في أي وقت طالما بيدنا مفتاح القرار
الإنشطارفي المشاعر عاار
والأحاسيس معادله فيزيائيه
وأحياناالشعريخرج الإنسان في عزله
ياعم يا بياع
تعالي عندي كتيرخدمني غرفتي وكراكيبي
خلفهم الفشل وسنيني
ياعم عندك تل هم وسريري
وشوية كراسي كانت بتأنس وحدتي
خد هدومي كرهتهاوخدمعاهم اوراقي كلها
فيها شعر عمودي نسجته من أجلها
كام بيت من المفروض يتعلقوا علي جدارنا
تعرف تشتري احساسناوعندي شوية مشاعر
لسه بشوكهم متجرحوش تقدر تلم الحوش
خد كل كراكيب الزمن
خد كل اللي في البيت ملهمش لازمه
عندي أخر تجربه في الحياه
سيب كل اللي اخدته واقفل عليه البيت
والا أقولك
انا اللي عاوز اتباع خدني معاك
أنا الزمان هدني وسرق مشاعري
أنا الروبابيكيا خدني معاك
بقلمي
محمدزايد
ليست هناك تعليقات:
إرسال تعليق