غروب وشروق -الشاعر رمضان محمد محمود

غروب وشروق

يا اللي وجودك معايا شروق
يا اللي بعدك عني ..... غروب
خليك معايا يا حبيبي
دا غروبك عني يجافيني
بعدك عني يخليني
أعيش دايما في هروب
شمسك في سما الحب ساطع
غروبك عني للامل قاطع
معرفش قيمتك يا حبيبي
الا وانت حرمني من نورك ومانع
ما عمري أشبع من نورك
عايش عليه ما عمري ابدا اكون قانع
شروقك ليا الخير كله
بعيش حتى على ضله
ما عمري انسى يا حبيبي
اني غرقان في فضله
انت النور والامل ليه .. حبك مغرقني حنيه
بعيش حتى على أمله
شروقك يملا قلبي فرحة ..وانتي جاية بالطرحة
بتخلي كل حبيب ينسى اسمه
غروبك عني شئ فظيع ... بيصنع بينا سد منيع
يا حبيبي متغبش عني.... متعرفش انك حته مني
يا حبيبي اشتريني بالله عليك ما تبيع
غروبك هوا وزعابير ..شروقك اكيد دا ربيع
يا حبيب الروح تعالى
تتعالى يا ابو قلب وديع
... مالي غيرك ف الحب شفيع
تعالى يا اللي شروقك بيحلالي
بشوف فيه أحلى أيامي
من غيرك انا يا حبيبي ما بيجيلي حتى إلهامي
 ما بتغيب عني ...يزيد كابوسي ف أحلامي
يا اللي وجودك معايا شروق
يا اللي بعدك عني غروب

رمضان محمد محمود

٢٩ / ٧ / ٢٠٢٠